Views ဘီလီယံဝက်အထိ ရှိလာတဲ့ စီရော်နယ်ဒိုရဲ့ UR Cristiano YouTube Channel
ပေါ်တူဂီလက်ရွေးစင်အသင်းနဲ့ အယ်လ်နာဆာအသင်းခေါင်းဆောင် စီရော်နယ်ဒိုရဲ့ YouTube Channel မှာ View ဘီလီယံဝက်ပမာဏ(၅၀၀,၀၀၀,၀၀၀)ကျော်အထိ ရောက်ရှိလာကြောင်း သိရပါတယ်။
လက်ရှိအချိန်အထိ UR · Cristiano လို့အမည်ရတဲ့ ဒီ YouTube Channel မှာ subscriber အရေအတွက်က (၆၂.၉)သန်းအထိရှိနေပါတယ်။
စီရော်နယ်ဒိုအနေနဲ့ ဒီ Channel ကို ပရိသတ်တွေနဲ့ စတင်မိတ်ဆက်ခဲ့ပြီးနောက် subscriber အရေအတွက် တစ်ဟုန်တိုးတက်လာခဲ့ပြီး YouTube မှာ အမြန်ဆုံး subscriber (၁)သန်းပြည့်တဲ့ စံချိန်မှတ်တမ်းကိုလည်း တင်နိုင်ခဲ့ပါတယ်။
ပြီးခဲ့တဲ့ ဇူလိုင်(၈)ရက်နေ့ကမှ စတင်ဖွင့်လှစ်ခဲ့ပြီး သြဂုတ်(၂၁)ရက်နေ့ကမှ ပရိသတ်တွေအတွက် ဗီဒီယိုဖိုင်တွေစတင်ခဲ့တဲ့ ဒီ YouTube Channel မှာ ဗီဒီယိုဖိုင်(၄၇)ခုသာရှိသေးပေမယ့် ဝင်ရောက်ကြည့်ရှုသူများလွန်းတာကြောင့် View အရေအတွက် ဘီလီယံတစ်ဝက်အထိ ရောက်ရှိလာခဲ့တာဖြစ်ပါတယ်။
