၂၀၂၄ စက်တင်ဘာလရဲ့ ပရီးမီးယားလိဂ်အကောင်းဆုံးကစားသမား ကိုးလ်ပါမား
ချယ်လ်ဆီးအသင်းရဲ့ အင်္ဂလန်တောင်ပံကစားသမားကိုးလ်ပါမားဟာ ၂၀၂၄ စက်တင်ဘာလအတွက် ချီးမြှင့်တဲ့ ပရီးမီးယားလိဂ်တစ်လတာအကောင်းဆုံးကစားသမားဆု(Premier League Player of the Month)ကို ဆွတ်ခူးခဲ့ပါတယ်။
ကိုးလ်ပါမားဟာ ပရီးမီးယားလိဂ်အကောင်းဆုံးကစားသမားဆုကို ဒုတိယအကြိမ်ဆွတ်ခူးရရှိတာဖြစ်ပြီး ပြီးခဲ့တဲ့ ရာသီက ၂၀၂၄ ဧပြီလအတွက် ချီးမြှင့်တဲ့ဆုကို ရယူခဲ့ဖူးပါတယ်။
ကိုးလ်ပါမားဟာ ပြီးခဲ့တဲ့ရက်ပိုင်းကမှ အင်္ဂလန်အကောင်းဆုံးဘောလုံးသမားဆုကို ဆွတ်ခူးရရှိထားတာဖြစ်ပြီး ရက်ပိုင်းအတွင်း ဆုနှစ်ခုကို ဆွတ်ခူးနိုင်ခဲ့တာဖြစ်ပါတယ်။
၂၀၂၄ စက်တင်ဘာလအတွင်းမှာ ကိုးလ်ပါမားဟာ ချယ်လ်ဆီးအသင်းအတွက် ခြေစွမ်းပြကစားပြီး ချယ်လ်ဆီး(၄-၂)ဘရိုက်တန်ပွဲမှာ တစ်ဦးတည်း(၄)ဂိုးစလုံး သွင်းယူခဲ့ခြင်းအပါအဝင် စက်တင်ဘာလအတွင်း ပရီးမီးယားလိဂ်ဂိုး စုစုပေါင်း(၅)ဂိုးသွင်းယူခဲ့ပါတယ်။
