၂၀၂၄ စက်တင်ဘာလရဲ့ ပရီးမီးယားလိဂ်အကောင်းဆုံးနည်းပြ မာရက်စကာ
ပြီးခဲ့တဲ့ ၂၀၂၄ စက်တင်ဘာလအတွက် ချီးမြှင့်တဲ့ ပရီးမီးယားလိဂ်တစ်လတာအကောင်းဆုံးနည်းပြဆု(Premier League Manager of the Month)ကို ချယ်လ်ဆီးအသင်းနည်းပြ မာရက်စကာက ဆွတ်ခူးခဲ့ပါတယ်။
ဒီနွေရာသီမှ ချယ်လ်ဆီးအသင်းကို စတင်ကိုင်တွယ်ခဲ့တဲ့ အီတလီလူမျိုးနည်းပြမာရက်စကာဟာ စက်တင်ဘာလထဲမှာ ကစားခဲ့တဲ့ ပရီးမီးယားလိဂ်(၄)ပွဲအနက် (၃)ပွဲကို အနိုင်ရအောင်စွမ်းဆောင်ခဲ့ပြီး (၁)ပွဲသရေကျခဲ့ပါတယ်။
မာရက်စကာဟာ ၂၀၂၁ အောက်တိုဘာလက ဆွတ်ခူးရရှိခဲ့တဲ့ ချယ်လ်ဆီးနည်းပြဟောင်း တူချယ်လ်နောက်ပိုင်း (၃)နှစ်အတွင်း ဒီဆုကို ရယူနိုင်တဲ့ ပထမဆုံးချယ်လ်ဆီးနည်းပြအဖြစ်လည်း မှတ်တမ်းဝင်ခဲ့ပါတယ်။
၂၀၂၄ စက်တင်ဘာလအတွက် အကောင်းဆုံးကစားသမားဆုကို ချယ်လ်ဆီးတောင်ပံကစားသမား ကိုးလ်ပါမားက ဆွတ်ခူးခဲ့တာကြောင့် ဒီလအတွက် အကောင်းဆုံးဆု(၂)ခုစလုံးကို ချယ်လ်ဆီးအသင်းကပဲ ဆွတ်ခူးနိုင်ခဲ့တာဖြစ်ပါတယ်။
