၂၀၂၄ စက်တင်ဘာလရဲ့ပရီးမီးယားလိဂ်အကောင်းဆုံးဂိုး
(Goal of the Month)
ပြီးခဲ့တဲ့ ၂၀၂၄ စက်တင်ဘာလရဲ့ပရီးမီးယားလိဂ်အကောင်းဆုံးဂိုး(Premier League Goal of the Month)အဖြစ် ဗီလာတိုက်စစ်မှူး ဒူရန်သွင်းယူခဲ့တဲ့ဂိုးက ရွေးချယ်ခံရပါတယ်။
စက်တင်ဘာ(၁၄)ရက်နေ့က ကစားခဲ့တဲ့ပရီးမီးယားလိဂ်ပွဲစဉ် ဗီလာ(၃-၂)အဲဗာတန်ပွဲမှာ ဒူရန်က ပွဲချိန်(၇၆)မိနစ်မှာ ကိုက်(၃၀)အကွာအဝေးကနေ လှလှပပဂိုးထဲ ကန်သွင်းယူခဲ့တာပါ။
ဒီဂိုးက ဒီပွဲအတွက် အရေးပါတဲ့ အနိုင်ဂိုးဖြစ်ခဲ့ပြီး ဗီလာအသင်းအနေနဲ့ အိမ်ကွင်းမှာ (၃-၂)ဂိုးနဲ့ အနိုင်ရခဲ့ပါတယ်။
အသက်(၂၀)အရွယ်သာရှိသေးတဲ့ ကိုလံဘီယာတိုက်စစ်မှူးဒူရန်ဟာ အလားအလာရှိတဲ့ အရည်အသွေးရှိတိုက်စစ်မှူးတစ်ဦးဖြစ်ပြီး ဗီလာအသင်းက အခြားအသင်းတွေ သူ့ကို မခေါ်ယူနိုင်ဖို့ ပြီးခဲ့တဲ့ရက်ပိုင်းက ၂၀၃၀ ခုနှစ်အထိ စာချုပ်သက်တမ်းတိုးထားပါတယ်။
