၂၀၂၄ စက်တင်ဘာလရဲ့ပရီးမီးယားလိဂ်အကောင်းဆုံးကာကွယ်မှု
(Save of the Month)
ပြီးခဲ့တဲ့ ၂၀၂၄ စက်တင်ဘာလရဲ့ပရီးမီးယားလိဂ်အကောင်းဆုံးကာကွယ်မှု(Premier League Save of the Month)အဖြစ် မန်ယူနိုက်တက်ဂိုးသမားအိုနာနာရဲ့ ဂိုးကာကွယ်မှုက ရွေးချယ်ခံရပါတယ်။
စက်တင်ဘာလ (၂၁)ရက်နေ့က ကစားခဲ့တဲ့ ပရီးမီးယားလိဂ်ပွဲစဉ် ခရစ္စတယ်ပဲလေ့စ်(ဝ-၀)မန်ယူနိုက်တက်ပွဲမှာ မန်ယူနိုက်တက်ဂိုးသမား အိုနာနာဟာ ခရစ္စတယ်ပဲလေ့စ်အသင်းဘက်က သွင်းယူတဲ့ဘောလုံးကို နှစ်ဆင့်ကာကွယ်ခဲ့ရတာပါ။
ဒီကာကွယ်မှုကြောင့် ခရစ္စတယ်ပဲလေ့စ်အသင်းဘက်ကိုဂိုးမပေးရဘဲ ဒီပွဲသရေရလဒ်ကြောင့် ရမှတ်(၁)မှတ်ကို မန်ယူနိုက်တက်အသင်းရယူနိုင်ခဲ့ပါတယ်။
အိုနာနာဟာ ဒီဆုကို ပြီးခဲ့တဲ့ရာသီ ၂၀၂၄ ဧပြီလမှာ ဆွတ်ခူးခဲ့ဖူးပြီး အခုဒုတိယအကြိမ်ရရှိတာဖြစ်ပါတယ်။
