ဝက်စ်ဟမ်းနဲ့တွေ့တိုင်းဂိုးကံခေတဲ့ ဘရုနိုဖာနန်ဒက်စ်

မန်ယူကို အိမ်ကွင်း(၃)ပွဲဆက်တိုက်နိုင်တဲ့ ဝက်စ်ဟမ်း

■ မနေ့က ကစားခဲ့တဲ့ ဝက်စ်ဟမ်း(၂-၁)မန်ယူနိုက်တက်ပွဲအပါအဝင် ဒီရာသီပရီးမီးယားလိဂ်ပွဲတွေမှာ မန်ယူနိုက်တက်ကွင်းလယ်လူဘရူနိုဖာနန်ဒက်စ်ရဲ့ဂိုးပေါက်ကန်သွင်းမှု(Shots)က စုစုပေါင်း(၂၈)ကြိမ်အထိရှိပါတယ်။

■ ဒါပေမယ့် ဖာနန်ဒက်စ်ဟာ ဒီရာသီပရီးမီးယားလိဂ်ပြိုင်ပွဲမှာ တစ်ဂိုးမှမသွင်းယူနိုင်သေးဘဲရှိနေသလို လန်ဒန်ကလပ်ဝက်စ်ဟမ်းအသင်းကလည်း သူ့ကစားသမားဘဝမှာ ဂိုးကံအခေဆုံးကလပ်အဖြစ် မှတ်တမ်းဝင်နေပါတယ်။

■ ဖာနန်ဒက်စ်ဟာ သူ့ကစားသမားဘဝတစ်လျှောက် ဝက်စ်ဟမ်းအသင်းနဲ့ (၁၃) ကြိမ်တိုင် ကစားခဲ့ဖူးပေမယ့် ဒီ(၁၃)ပွဲစလုံး တစ်ဂိုးတောင်မသွင်းနိုင်သေးတာပါ။

■ ဝက်စ်ဟမ်းအသင်းကတော့ မန်ယူအသင်းကို အိမ်ကွင်းပွဲစဥ်တွေမှာ (၃)ပွဲဆက်တိုက် အနိုင်ယူနိုင်ခဲ့တာဖြစ်ပြီး အသင်းသမိုင်းတစ်လျှောက် ပထမဆုံးအနေနဲ့ မန်ယူနိုက်တက်အသင်းကိုအိမ်ကွင်း (၃)ပွဲဆက်တိုက်အနိုင်ယူခဲ့တာဖြစ်ပါတယ်။