ပရီးမီးယားလိဂ်(၅၀) ပြည့်ချိန်မှာ အသက်အငယ်ဆုံး အာဆင်နယ် ကစားသမား ဆာကာ
■ မနေ့က အာဆင်နယ်(၂-၂)လီဗာပူးလ်ပွဲမှာ အဖွင့်ဂိုးသွင်းယူပြီး ပရီးမီးယားလိဂ်ဂိုး(၅၀)ပြည့်ခဲ့တဲ့ အာဆင်နယ်တောင်ပံကစားသမားဆာကာဟာ ပရီးမီးယားလိဂ်ဂိုး(၅၀)ပြည့်ချိန်မှာ အသက်အငယ်ဆုံးအာဆင်နယ်ကစားသမားအဖြစ် စံချိန်တင်ခဲ့ပါတယ်။
■ ဆာကာဟာ ဒီပွဲကစားတဲ့နေ့မှာ (၂၃)နှစ်(၅၂)ရက်သာရှိသေးပြီး အာဆင်နယ်ကစားသမားတွေထဲမှာ (ပရီးမီးယားလိဂ်ဂိုး ၅၀ ပြည့်ချိန်မှာ)သူ့ထက် ငယ်ရွယ်သူမရှိခဲ့တာပါ။
■ ပရီးမီးယားလိဂ်ကစားသမားတွေထဲမှာတော့ ဆာကာဟာ ပရီးမီးယားလိဂ်ဂိုး ၅၀ ပြည့်ချိန်မှာ (၇)ဦးမြောက် အသက်အငယ်ဆုံးကစားသမားဖြစ်ခဲ့ပါတယ်။
■ ဒီမှတ်တမ်းမှာ အသက်အငယ်ဆုံးကစားသမားအဖြစ် ဦးဆောင်ခဲ့တာက လီဗာပူးလ်ဂန္ထဝင်ကစားသမား ရော်ဘီဖောင်လာဖြစ်ပြီး လီဗာပူးလ်အသင်းအတွက် ပရီးမီးယားလိဂ်ဂိုး(၅၀)ပြည့်ချိန်မှာ အသက်(၂၀)နှစ်(၂၅၂)ရက်ရှိခဲ့တာဖြစ်ပါတယ်။
