ပယ်နယ်တီ(၂)လုံးကာကွယ်နိုင်ခဲ့တဲ့ ဒီဟေးယားက အိုနာနာထက်ပိုကောင်းတယ်လို့ မန်ယူနိုက်တက် ပရိသတ်တွေဆို
မနေ့က ဖီအိုရမ်တီးနား(၂-၁)အေစီမီလန် စီးရီးအေပွဲစဉ်မှာ အေစီမီလန်အသင်းရရှိတဲ့ ပယ်နယ်တီ(၂)လုံးကို ကာကွယ်ခဲ့တဲ့ ဂိုးသမားဟောင်း ဒီဟေးယားက လက်ရှိဂိုးသမား အိုနာနာထက် အဆ(၁၀၀)ပိုကောင်းတယ်လို့ မန်ယူနိုက်တက်အသင်းပရိသတ်တွေက သူတို့ရဲ့ဆိုရှယ်မီဒီယာမှာ ဆိုထားပါတယ်။
ဒီပွဲမှာ ဖီအိုရမ်တီးနားအသင်းဟာ ဒီဟေးယားရဲ့ပယ်နယ်တီကာကွယ်မှုတွေကြောင့် အဖိုးတန်(၃)မှတ်ရရှိခဲ့တာပါ။
ဒီဟေးယားဟာ မန်ယူနိုက်တက်အသင်းမှာရှိခဲ့တဲ့ (၁၂)နှစ်အတွင်းမှာ ပယ်နယ်တီကာကွယ်မှု(၇)ကြိမ်သာရှိခဲ့ပေမယ့် ဖီအိုရမ်တီးနားအသင်းကစားသမားဘဝ အစပိုင်းမှာတင် ပယ်နယ်တီကာကွယ်မှုအချို့ကို ပြုလုပ်ထားခဲ့တာဖြစ်ပါတယ်။ ဒီဟေးယားဟာ ဖီအိုရမ်တီးနားအသင်းအတွက် လက်စွမ်းပြသမှုတွေကြောင့် မန်ယူနိုက်တက်အသင်းပရိသတ်တွေက သူ့ကို လွမ်းဆွတ်မှုတွေရှိနေကြတာပါ။
ပရိသတ်တစ်ဦးက “အချက်အလက်တွေအရ ဒီဟေးယားက အကောင်းဆုံးဂိုးသမားတွေထဲက တစ်ဦးဖြစ်တယ်ဆိုတာကို လက်ခံရမှာပါ။ သူက အိုနာနာထက် အဆ(၁၀၀)ပိုကောင်းတယ်”လို့ ရေးသားခဲ့ပါတယ်။ နောက်ထပ်တစ်ဦးက “တန်ဟတ်က ပြဿနာ”လို့ ရေးသားခဲ့ပြီး နောက်ထပ်တစ်ဦးက “ဒီဟေးယားကို ထွက်ခွာခွင့်မပေးသင့်ဘူး။ အိုနာနာက သူ့ထက်ပိုကောင်းတယ်ဆိုတာ မယုံနိုင်ဘူး”လို့ ရေးသားခဲ့ကြပါတယ်။
ဖီအိုရမ်တီးနားအသင်းဟာ အေစီမီလန်အသင်းကို အနိုင်ရခဲ့တာကြောင့် နောက်ဆုံးကစားခဲ့တဲ့ ပြိုင်ပွဲစုံ(၄)ပွဲဆက်တိုက် အရှုံးမရှိခဲ့ဘဲ စီးရီးအေပြိုင်ပွဲမှာ အမှတ်ပေးဇယားအဆင့်(၁၁)နေရာမှာ ရပ်တည်နေတာဖြစ်ပါတယ်။
