ဒတ်ချ်ကလေးဆေးရုံက ကလေးငယ်နဲ့ ကြည်နူးဖွယ်ကောင်းတဲ့ စကားပြောဆိုမှု ဘယ်လင်ဂမ် ပြုလုပ်ခဲ့

အင်္ဂလန်ကြယ်ပွင့် ဘယ်လင်ဂမ်ဟာ ဒတ်ချ်ကလေးဆေးရုံက ကလေးရိသတ်တစ်ဦးနဲ့ ကြည်နူးဖွယ်ကောင်းတဲ့ ဗီဒီယိုဖုန်းစကားပြောဆိုမှုပြုလုပ်ခဲ့ပါတယ်။ ဒီကလေးငယ်ဟာ ဘယ်လင်ဂမ်ရဲ့အမာခံပရိသတ်ဖြစ်ပြီး ဒီလိုဗီဒီယိုဖုန်းစကားပြောဆိုလို့ရအောင် ဘယ်လင်ဂမ်ရဲ့အသင်းဖော်ဟောင်းဖြစ်သူ အိုဟိုင်းရိုးက စီစဉ်ပေးခဲ့တာပါ။

ဘယ်လင်ဂမ်နဲ့အတူ အင်္ဂလန်ယူ-၁၆ အသင်းမှာ အတူတွဲကစားခဲ့ဖူးတဲ့ အိုဟိုင်းရိုးဟာ နယ်သာလန်ယူ-၂၁ အသင်းနဲ့ အူထရက်ချ်ရှိ ကလေးဆေးရုံကို သွားရောက်လည်ပတ်ခဲ့တာဖြစ်ပါတယ်။ Ons Oranje က တင်ထားတဲ့ ဗီဒီယိုဖိုင်မှာ ကလေးငယ်က သူအနှစ်သက်ဆုံးကစားသမားဟာ ဘယ်လင်ဂမ်ဖြစ်တယ်ဆိုတာ အိုဟိုင်းရိုးကို ပြောခဲ့တာပါ။ အဲ့ဒါကြောင့် အိုဟိုင်းရိုးဟာ ဘယ်လင်ဂမ်ကို ဗီဒီယိုဖုန်းခေါ်ဆိုမှုပြုလုပ်ကာ ကလေးငယ်နဲ့ စကားပြောဆိုစေခဲ့တာဖြစ်ပါတယ်။

https://x.com/OnsOranje/status/1845131597223231720?ref_src=twsrc%5Etfw%7Ctwcamp%5Etweetembed%7Ctwterm%5E1845131597223231720%7Ctwgr%5E658c5d184207d5efb8b5098d8754fc72efd1b1de%7Ctwcon%5Es1_c10&ref_url=https%3A%2F%2Fwww.dailymail.co.uk%2Fsport%2Ffootball%2Farticle-13953195%2FEngland-Real-Madrid-star-Jude-Bellingham-video-calls-young-fan-Dutch-childrens-hospital-heartwarming-exchange.html

ကလေးငယ်ဟာ ဘယ်လင်ဂမ်နဲ့ စကားပြောဆိုရတာကို နှစ်သက်နေပြီး သူတို့နှစ်ဦးဟာ တစ်ဦးနဲ့တစ်ဦး အဆင်ပြေရဲ့လားလို့ အပြန်အလှန်မေးမြန်းခဲ့ကြပါတယ်။ အိုဟိုင်းရိုးဟာ ဒီဗီဒီယိုဖုန်းခေါ်ဆိုမှုကနေ ဘယ်လင်ဂမ်နဲ့ ကလေးဖြစ်သူကို ဓါတ်ပုံရိုက်ကူးပေးခဲ့ပါတယ်။ ဒီဗီဒီယိုဖုန်းခေါ်ဆိုမှုဟာ ကလေးငယ်အတွက် အံ့သြစရာကောင်းတဲ့ အခိုက်အတန့်ဖြစ်သလို ဘယ်လင်ဂမ်ကလည်း ကောင်းတဲ့ သဘောထားကို ပြသခဲ့တာပါ။

အိုဟိုင်းရိုးဟာ လူငယ်ကစားသမားဘဝက မန်ယူနိုက်တက်နဲ့ မန်စီးတီးအကယ်ဒမီတွေမှာ ကစားခဲ့ပြီး လက်ရှိအချိန်မှာတော့ အူထရက်ချ်အသင်းမှာ ကစားနေပါတယ်။ အိုဟိုင်းရိုးဟာ နယ်သာလန်နဲ့ အင်္ဂလန်သက်တမ်းလိုက်လူငယ်အသင်းတွေမှာ ကစားခဲ့ပြီး လက်ရှိအချိန်မှာ နယ်သာလန်ယူ-၂၁ အသင်းအတွက် ကစားနေတာဖြစ်ပါတယ်။