ပိုချက်တီနိုလက်ထက်မှာ ချယ်လ်ဆီးအသင်း တင်ခဲ့တဲ့ စံချိန်မှတ်တမ်းဆိုးတစ်ခု
ချယ်လ်ဆီးအသင်းကို ပိုချက်တီနိုက တစ်ရာသီသာ ကိုင်တွယ်ခဲ့ပါတယ်။
ရာသီအစပိုင်းနဲ့ ရာသီအလယ်ပိုင်းမှာ ရလဒ်တွေဆိုးပြီး အဆင့်(၉၊ ၁၀၊ ၁၁)နေရာတွေမှာ တိုင်ပတ်နေခဲ့ရတဲ့ ချယ်လ်ဆီးအသင်းက ရာသီကုန်ချိန်မှာ အဆင့်(၆)ရခဲ့ပါတယ်။
လူရိုသေရှင်ရိုသေ အဆင့်(၆)အတွင်းရပ်တည်နိုင်တဲ့အပြင် ဥရောပဝင်ခွင့်လည်းရခဲ့လို့ ပိုချက်တီနိုကိုင်တွယ်ခဲ့တဲ့တစ်ရာသီက ချယ်လ်ဆီးအသင်းအတွက် အခြေအနေအဆိုးကြီးမဟုတ်ဘူးလို့ သတ်မှတ်နိုင်ပါတယ်။
ဒါပေမယ့် ချယ်လ်ဆီးအသင်းဟာ ပိုချက်တီနို ကိုင်တွယ်ခဲ့တဲ့ ၂၀၂၃-၂၄ ရာသီမှာပရီးမီးယားလိဂ်ရဲ့စံချိန်မှတ်တမ်းဆိုးတစ်ခုကို ရရှိခဲ့ပါတယ်။ အဲဒါကတော့ တစ်ရာသီအတွင်း အဝါကတ်အများဆုံးပြခံရတဲ့အသင်းဆိုတဲ့စံချိန်မှတ်တမ်းပါ။
ချယ်လ်ဆီးအသင်းက ၂၀၂၃-၂၄ ရာသီမှာ အနီကတ်(၄)ကတ်နဲ့ အဝါကတ်(၁၀၅)ကတ် အပြခံခဲ့ရပါတယ်။ ပရီးမီးယားလိဂ်ပြိုင်ပွဲသက်တမ်းတစ်လျှောက်မှာ တစ်ရာသီအတွင်း အဝါကတ်အရေအတွက် ဒီလောက်များများပြခံရဖူးတဲ့အသင်းမရှိသေးတာကြောင့် ချယ်လ်ဆီးအသင်းက စံချိန်သစ်တင်ခဲ့တာပါ။
အရင်က ပရီးမီးယားလိဂိမှာ တစ်ရာသီအတွင်း အဝါကတ်အများဆုံးပြခံရတဲ့အသင်းက လိဒ်စ်ယူနိုက်တက်အသင်းဖြစ်ပြီး ၂၀၂၁-၂၂ ရာသီမှာ အဝါကတ် (၁၀၀)ကတ်တိတိပြခံရပြီး စံချိန်တင်ထားတာပါ။
ပြီးခဲ့တဲ့ ၂၀၂၃-၂၄ ရာသီမှာ အခြားအသင်းတွေမှာလည်း အဝါကတ်ပြခံရမှုများပြားခဲ့ပြီး ချယ်လ်ဆီးအသင်းနောက် ဒုတိယနေရာမှာ ရပ်တည်ခဲ့တဲ့ ဝုလ်ဗ်စ်အသင်းရဲ့အဝါကတ်ပြခံရမှုကလည်း (၁၀၀)ကတ်အထိ ရှိခဲ့ပါတယ်။
ပြီးခဲ့တဲ့ ၂၀၂၃-၂၄ ရာသီမှာ အဝါကတ်အများဆုံးအသင်းတွေက အောက်ပါအတိုင်းဖြစ်ပါတယ်။
- Chelsea 105
- Wolves 100
- Sheffield Utd 95
- Aston Villa 94
- Brighton 91
- Brentford 89
- Tottenham 89
- Man Utd 81
- Everton 80
10.Bournemouth 79